Mitoloxía do Ceo
Untitled Document
Pléiades
O cúmulo das Pléiades representa a sete irmáns fermosas fillas do xigante
Atlas e de Pléione. Chamábanse Taigete, Electra, Alcíone, Astérope,
Celeno, Maia e Mérope. Existía outra tradición seguida por Calímaro
nun poema no cal as Pléiades era fillas dunha raiña das Amazonas, e a elas se
lles atribuía a institución dos coros e danzas e das festas nocturnas. Nesta tradición
os seus nomes eran: Coccimo, Glaucia, Protis, Partenia, Maia, Estoniquia
e Lámpado. Finalmente Calipso e Dione son a veces consideradas como Pléiades.
Tódalas Pléiades casaron con deuses excepto unha, Mérope, que casou con Sísifo,
pero a pouco de casar avergonzouse de facelo cun mortal. Existe unha lenda que
explica por qué só se ven ben seis das sete Pléiades. Dícese que Electra ocultou
o seu rostro para non ve-las ruinas de Troia, cidade fundada polo seu
fillo Dárdano. Outros comentan que a Pléiade "ausente" é Mérope, avergonzada
do seu casamento como xa se comentou. En realidade as estrelas non se nombraron
seguindo ningunha destas lendas pois as menos brilantes do cúmulo son Astérope
e Celeno. Estas sete ninfas eran seguidoras de Artemis, deusa da caza, e estando
un día en Beocia atopáronse co cazador Orión que se enamorou delas e empezou
a perseguilas. Éstas pedíronlle a Zeus que as convertise en pombas e o pai dos
deuses apiadándose delas convertiunas en estrelas (curiosamente Electra, Taigete
e Maia foron amantes de éste).
Pero existían outras tradicións: segundo algunhas, a súa transformación estivo
motivada polo pesar que experimentaron cando o seu pai Atlas foi condeado por
Zeus a soster o ceo sobre os seus hombreiros; segundo outras, as Pléiades, xunto
coas súas irmáns as Híades foron metamorfoseadas en estrelas despóis da morte
do seu irmán Hiante, mordido por unha serpe. Noutras versións é a propia Artemis
quen as transforma en estrelas. No firmamento podemos ver como Orión parece
seguir perseguindo todavía ás Pléiades.
Cando caeu Troia, a pléiade Electra, de quen arrancaba a estirpe dos reis troianos,
abandonou desesperada a compaña das súas irmáns e foi transformada en cometa.
|
