O NOSO CLUBE
Somos un grupo de afeccionados a Astronomía de Santiago de Compostela e arredores. Formamos un grupiño variado en moitos aspectos: algúns temos un nivel de coñecementos avanzado, outros só coñecementos básicos ou queremos iniciarnos; algúns nos gusta máis a teoría, a outros vainos a instrumentación; algúns somos máis de observación, outros de divulgación ou debate; a algúns gústalles a observación directa, outros prefiren a astrofotografía… pero todos, sen excepción aprendemos dos demais e disfrutamos da nosa afección e compañía.
O Clube Vega foi fundado en 1997 co fin de divulgar a Astronomía, promocionar actividades relacionadas con ésta e fomentar a afección. Desde entón todos os anos se realizan reunións, observacións astronómicas, exposicións, charlas, cursiños, asistencias a congresos e outras actividades relacionadas ca Astronomía.
As nosas reunións adoitan ser os primeiros sábados de cada mes (excepto Agosto) as 18 h no CSC de Fontiñas en Santiago de Compostela. Podes animarte a vir ou poñerte en contacto con nós, serás ben recibido!. Como as veces hai cambios, mellor consulta a páxina de visitas.